Ek awaaz door..

Baaba aaj aayi aapki yaad, wo laad aur wo fatkar. Maa se chup kar har zidd meri poori karna, har shauk me mera dena saath. Choti choti khushiyan meri poori karna, mano tha wo aapka khwab.

Aaj bhi wo din yaad hai jab aapne di thi mujhko nayi ghadi, doopahar ko kaam ke beech se aakar baandhi thi kalayi par meri. Kaha teri mehnat ka ye hai enaam, khoona nahi kabhi apna atma vishwas.

Jis din thi mai aapse roothi khoob, maa se thi bhi ladkar baithi. Shaam ko bahar bula kar mujhe, di thi mujhko gaadi nayi. Boli ab tu badi ho chali scooter meri choti si, tu chal sang apni choti behan ko le, mai teri maa ko lekar chalun. Dekh tu duniya ab apne dum par mai tere sath sath chalun.

Mili naukri jab mujhko, baba ka chehra tha chamka. Bole mujhe pata hai beta, tu kisi se kum kabhi nahi tha. Karna hai apna naam tujhe, seekhna hai ab duniya daari. Mai sath nahi hu to kya, aajaunga paas tere, jab bhi tu mujhe pukaregi.

Jab aaya din bidaayi ka, dulhan ban mai baithi thi. Dekha baba ko kamjor, seene par rakh haat khade the aur khushiyon ke aansu ka shor. Aaj se ek naya jeevan hai tujhko jeena, mere nahi- ab jeevan Sathi ke sang. Dua bus yahi Karu khuda se, de tujhko wo khushi har pal.

Fir bhi bole karte karte bidaa, baithaakar mujhe meri doli may. Beta tu mera beta hai, tu kar sakta sab kuch hai. Kuch nahi aisa jo tujhe roke, tu aage badhna jeevan may.

Mujhe Garv hai tu meri hai, hoga ek din usko bhi. Tu beti thi naazo se pali, palegi apni beti ko bhi waise he. Kar sakti hai tu kuch bhi, har mushkil ko kar sakti hai dhool. Yaad rakhna bus itna tu, tera baaba hai bus ek awaaz door.

Advertisements

38 thoughts on “Ek awaaz door..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s