Mai kaun hun..

Courtesy: google

Muskurana humari fitrat may shamil hai, aansuon ko chupana aadat hai humari. Jab tak ban sake doosron ko pyaar karna, muskurana, aur himmat Dena shauk hai humara. 

Kuch lamhe ke liye sahi doosron ki aankhon se chalakte aansuon ko hassi may badalna maksad hai humara. 

Hum chahe kisi ko jaane ya na jaane, par ek pal ke liye bhi chehre par unke muskaan la sake to khud ka pagal kehlana manjoor hai hume.

Isliye rah may chalte hue muskurate chalte hai, koi to palat Kar muskurata, to koi pagal samjhe Hume.

Lekin jab khud ki himmat toot jaati hai, Dil bhar aata hai to tanhai aur har ka khauf samet leta hai hume, uss din apne toote bikhre aap ko dhoondna mushkil ho jaata hai hume.

Khaas to Khuda ne banaya hai hume, koi shak nahi isbaat ka hume. Tabhi to himmat bharpoor diya aur kaha Kuch khaas karna hai tujhe.

Dhoond rahi hu samajh rahi hu Kya karna hai, kabhi lagta hai waqt kum hai kabhi lagta hai hum may he kuch kum hai..

Kitne baar Dil toota par pyaar se aitbaar uthne nahi Diya, Kitni baar dhoka khaya fir bhi vishwas ka daaman choda nahi.

Aaraam ki Zindagi bhi jiya, mushkil haalat se bhi guzare, fir bhi upar waale par se yakin choda nahi aur khud se haar maana nahi.